Sen título
Elisa GONZÁLEZ MIRALLES
Madrid, 1978
Estudou Enxeñería Química na Universidade Complutense de Madrid, e obtivo a licenciatura en 2004. Ese mesmo ano decidiu dedicarse profesionalmente á fotografía, e en setembro de 2005 presentou o seu traballo «Luz e Tanaka» no Festival Internacional de Fotografía de Roma. Especializouse en fotografía documental e cursou o máster da Escola de Fotografía e Centro de Imaxe EFTI en Madrid. Durante ese período, comezou o seu proxecto «Recordos sen memoria», que retrata o día a día dunha enferma de Alzheimer. No verán de 2006, obtivo unha bolsa do World Press Photo, Asia-Europe Foundation e Philippine Center for Photojournalism, para formar parte do proxecto «Urban Youth» en Manila (Filipinas), onde levou a cabo a reportaxe «Dancing Manila», que reflicte a vida dos estudantes da escola de baile Step Dance Studio en Makati. Este traballo proxectouse en Mall of Asia (Manila). Na actualidade, mentres continúa desenvolvendo o seu proxecto «Recordos sen memoria» –co que gañou ou FotoPres'07–, traballa como fotógrafa independente no ámbito da arquitectura e do urbanismo, e colabora con organismos públicos. Entre as súas próximas actividades salientan as exposicións previstas na Galería Kriterion de Amsterdam e no Lodz Art Center de Polonia, así como a participación no proxecto «e 20+20» na Casa de Vacas de Madrid.
Exposición: FOTOPRES’07
|
