Sen título. Da serie «Presente contínuo»
Andrea COSTAS
Vigo, 1978
Licenciouse en Belas Artes. Tras o libro Formas de ser, publicado no 2002, en 2006 publicou na mesma colección Do Trinque Persoal e transferíbel. Ten feito exposicións individuais no Pazo de Mugartegui (Pontevedra), na Fundación Laxeiro (Vigo, 2003) e dentro do ciclo Miradas Virxes, no Terceiro Espazo do Centro Torrente Ballester de Ferrol (2001). Entre as colectivas destacan «La jeune création photographique de Galice» (Espace Bonnefoy de Toulousse) e «Corpografías» (Galería Sargadelos da Coruña), en 2007; «Iconos» (Outono Fotográfico de Ourense), «Esperando 1000 palabras» (Casa Galega da Cultura de Vigo) e «Colección Fotográfica do Concello de Vigo» (Centro Português da Fotografia do Porto), entre 2004 e 2005; «O Feito Fotográfico» (Museo de Arte Contemporánea MARCO de Vigo), en 2004; «Imaxes Maiores» (itinerante en distintas salas da Obra Social Caixa Galicia) e Certame de Fotografía Injuve en 2002; «Identidades» (IX Fotobienal de Vigo e Museo do Pobo Galego en Compostela) e «Novos Valores 2001» (Museo de Pontevedra), en 2001. Gañou o VI Certame de Artes Plásticas da Deputación de Ourense en 2007, recibiu a III Bolsa de Creación Fotográfica do Concello de Santiago de Compostela (2004/05) e un accésit no Certame de Fotografía Injuve 2002, e gañou o Certame de Artes Plásticas Novos Valores 2001 de Pontevedra.
Exposición: 25 OUTONOS
|