Sen título
Marta SOUL
Madrid, 1973
Vive e traballa en Madrid. Coa idea de que o mellor escaparate é un mesmo, decidiu centrarse nas persoas para captar o que inventan delas a través da imaxe que mostran ou a que a ela lle suxiren: «De los hijos de Marx y la Coca-Cola» (1993) e «Carnival» (1994). Tras unha paréntese na que explorou o deseño, creando e producindo a súa propia colección de obxectos en vidro –«Decó & Ficción» (1999-2002)– retomou a fotografía colaborando en diversas campañas de publicidade para marcas como Terra, Ericsson ou Ford. Posteriormente traballou durante tres anos para o Departamento de Fotografía da Facultade de Belas Artes de Madrid. A partir do ano 2001, comezou a desenvolver os seus traballos máis persoais, afondando na interacción entre a imaxe e a realidade, no sentido da mutua influencia entre ambas: «Sexus» (2001) e «Estética Doméstica» (2003). O lugar que ocupa a muller nesta disxuntiva, dentro da sociedade de consumo, é sen dúbida un dos temas presentes na súa obra a partir deste momento, primeiro co seu traballo «Chance of Love» (2005) e actualmente con «Wellhome» (2006), centrándose no retrato de mulleres inmigrantes. Publicou en revistas como Rojo, Fifty Easy, The Creator Studio, Vanidad, Neo2, Ojo de Pez e La Más Bella. Obtivo premios e mencións na Real Sociedad Fotográfica, Injuve, Purificación García, Consejería de las Artes da Comunidade de Madrid e FotoPres’07. O seu traballo exhibiuse en lugares como Canal de Isabel II, Cuartel de Conde Duque, Círculo de Bellas Artes e Museo Nacional de Arte Reina Sofía. A partir do ano 2005 é socia fundadora da axencia Nophoto (www.nophoto.org).
Exposición: FOTOPRES’07
|