«Caiuco» (fame e emigración)
Xacobe MELÉNDREZ FASSBENDER
Tegucigalpa, Honduras, 1963
Trasladouse a Galicia, terra paterna, en 1965; é aquí onde reside desde entón. Fotógrafo autodidacta, gañou o seu primeiro premio aos 17 anos. Asistiu a talleres con recoñecidos fotógrafos: Ed Kashi, Chema Madoz, Joan Fontcuberta, Chema Conesa, Paco Salinas... A súa obra fotográfica parte do compromiso co medio e da posta en valor do continuo enfrontamento co contorno: présa, identidade, equilibrio, entropía..., nunha arriscada dialéctica co aire, a música, a luz, a natureza..., utilizando elementos naturais e artificiais como formas, símbolos para o autorretrato persoal e social. Participou en numerosas mostras individuais e colectivas; presentou a súa primeira exposición individual en Betanzos en 2000; a última, este verán en Valsaín-La Granja (Segovia). Das colectivas cómpre salientar a moi recente «Novas miradas», no festival de fotografía Olladas’06. Ten publicados portafolios na revista Arte Fotográfico (setembro de 2002), en Interea Visual 00 (decembro de 2002), na revista Foto (novembro de 2003) e na revista Imagen & Comunicacion (outubro de 2005), e tamén o libro A Galicia máis natural. Espazos naturais da Coruña dende o aire (Deputación da Coruña, 2006). Ten varios premios en concursos.
Exposición: CAIUCO
|