Sen título
Fernando MAQUIEIRA
Puertollano, Cidade Real, 1966
Vive e traballa en Madrid. Tivo o seu primeiro contacto coa fotografía aos 15 anos, cando comezou a traballar como aprendiz-axudante no estudio de Fernando Gordillo. De 1992 a 1996, traballou no estudio de deseño gráfico Zen Comunicación Visual. En 1997 empezou a realizar traballos como freelance compaxinando a fotografía co deseño gráfico. Desde 2001 dirixe o estudio dixital de Cromotex, empresa de preimpresión situada á vangarda na investigación e o desenvolvemento dos novos procesos dixitais. Realizou varias exposicións individuais, entre as que destacan «Ánima», en Fotoencuentros (Murcia, 2007) e na Casa de Velázquez (Madrid, 2006); «Sobre la Alhambra», no Palacio dos Condes de Gabia (Granada, 2005), e na VIII Bienal de Fotografía Fotonoviembre (Tenerife, 2005); «Mexique anonyme», na Maison de l' Amérique Latine (Bruxelas, 2003-2004), en Zarautz, organizado polo Photomuseum, e na Casa de Cultura de Las Rozas (Madrid, 2003-2004); no Escaparate de San Pedro (Madrid, 2003). Participou en numerosas exposicións colectivas. Publicou varios libros, como Historia del ferrocarril, Caminos de hierro del Norte, editado por El Norte de Castilla (2006); Madrid testigo, Ayuntamiento de Madrid (2006); Sobre la Alhambra, Diputación de Granada e Patronato da Alhambra e Generalife (2005); De Bruselas a Rotterdam, libro de autor, edición limitada de 3 exemplares (2005); Mexique anonyme, catálogo da exposición (2004); Galería Urbana, Blur Ediciones (2004); Veintedías (México), na colección «Arte Sobre Papel» dirixida por Rafael Doctor na Editorial Aula-Coydis (2003). Obtivo unha bolsa en FotoPres'07.
Exposición: FOTOPRES’07
|