OURENSE. Photo Art, do 13 de decembro ao 10 de xaneiro.
As fotografías retratan distintas paisaxes e ambientes de Islandia, tendo como fío condutor a única estrada que dá a volta ao redor do país, a N1. A viaxe faise no sentido contrario ás agullas do reloxo, como se se tratase de ir en contra do tempo, o contorno de natureza exuberante e a ausencia case total de persoas é un feito que reivindica un espazo máxico no que amparados na súa mitiloxía habitan elfos e fadas.
Santiago Rodríguez
Ourense 1977
Estuda Imaxe e son e fotografía artística na EASD e completa con cursos na North Karelia Politechnics de Finlandia, no London college of printing e Central Saint Martins. Ao mesmo tempo que se forma teoricamente nestes centros completa a súa formación de xeito práctico colaborando con outros fotógrafos. Na actualidade desenvolve a súa faceta profesional colaborando con distintos medios de comunicación, editoriais e axencias de publicidade.
