OURENSE, Galería Marisa Marimón, do 14 de novembro ao 14 de xaneiro.
Na obra presente na exposición, tanto fotografía como escultura, podemos observar como os obxectos perden o seu significado inicial e adquiren outro, xeralmente metafórico. Hai un xogo lingüístico permanente cos títulos das súas obras, aos que soe conceder bastante importancia. Nos seus traballos fai interseccións entre elementos naturais e culturais.
Nas súas fotografías realiza intervencións en espazos naturais, outorgando aos obxectos un dobre xogo interpretativo, o que posúe por sí mesmo e o que adquire a través da imaxe.
Acisclo Novo
Ourense, 1970.
Licenciado en Belas Artes pola Universidade de Barcelona.
Escultor e deseñador técnico industrial. Vive e traballa en Ourense.