"Escola de Arte. A Coruña" Vari CARAMÉS Ferrol, 1953 Mantén o autor, desde os primeiros oitenta e dentro da liña máis renovadora da fotografía galega, unha traxectoria especialmente coherente e lúcida, en pausada oposición ós postulados máis conceptuais ou fotodocumentais. As súas fotografías recollen emocións do seu contorno máis inmediato e vital, deixándose arrastrar polo esvaramento confuso das vivencias, mantendo os soños suspendidos ata o seguinte tropezo. Numerosas exposicións individuais e colectivas, así como publicacións de autor. Exposición: TEMA, NO TEMA
	Sen título Sandrine EXPILLY París, 1970 Posúe o Diploma superior de Artes Aplicadas pola Esaa Dupérré de París. Numerosas exposicións colectivas e individuais, a última destas en 1998, na parisiense Biblioteca Faidherbe. Publicou en distintos medios sendo subliñable o portafolios da revista Vis à Vis (La Villette), en 1997. Ten obra en varias coleccións. Exposición: NON LIEU
		"Reflexo V" Cristina FACIABEN ALONSO Granada, 1975 Licenciada en Belas Artes na Facultade de Granada, ten na fotografía un soporte máis para a creación participando en exposicións colectivas e certames. Exposición: CERTAMEN DE FOTOGRAFÍA - INJUVE 98