Caboverde
Xulio VILLARINO AGUIAR
San Esteban de Gormaz, Soria
Reside desde 1998 no Porto de Bares, Mañón, A Coruña. É diplomado pola Escola Universitaria de Formación do Profesorado de EXB de Lugo. A súa formación fotográfica é autodidacta. Iniciouse na fotografía aos 16 anos, e en 1993 comezou a súa carreira como fotoxornalista en La Voz de Galicia, xornal en que traballou nas edicións da Mariña (Lugo) e Vigo até 2001. Ese ano dicidiu dedicarse ao fotoxornalismo de xeito independente. Na actualidade, as súas reportaxes de produción propia son distribuídas pola axencia Cover de Madrid, ao tempo que é colaborador de medios como El País Semanal ou El Semanal. Entre os galardóns obtidos, están o Luís Ksado en 1998; o Fuji Europress Photo Award na fase española, e a mención de honra na fase europea en 1999; foi finalista do certame do Injuve en 1999, e obtivo ademais o 1.º premio no XV Certame Galego de Fotografía «Xuventude 99»; foi finalista no Luis Valtueña en 2000 e 2001; Premio Ortega y Gasset en 2000; e Premio Fuji, na categoría viaxes, en 2002, e na de noticias en 2003. Ten participado en numerosas edicións do Outono Fotográfico. A súa obra figura en coleccións públicas e privadas.
www.xuliovillarino.com
exposiciÓn: OLLANDO A LUSOFONÍA
|