Da serie Accións
Javier VALLHONRAT
Madrid, 1953
Licenciado en Belas Artes pola Universidade Complutense de Madrid. Comezou como asistente de fotografía en 1973. Internacionalmente recoñecido, desde mediada a década de 1980, como un dos mellores dentro do campo da fotografía, pola súa persoalísima maneira de entender a fotografía como arte. Desde 1984 traballou como fotógrafo para a revista Vogue, para casas como Yves Saint Laurent, Lancôme ou Shiseido e para deseñadores da fama de Christian Lacroix, Sybilla ou John Galliano. Como fotógrafo artístico realizou diversas exposicións individuais desde 1983. Creou unha peculiar linguaxe que se ocupa á vez da pintura e da fotografía mediante a interacción de tomas de modelos e obras clásicas das vangardas, analizado o corpo, a xeometría e o espazo. As súas últimas obras preocúpanse, fundamentalmente, da forma e a luz. Na súa carreira obtivo diversos premios internacionais, como o Silver Award do New York Times Magazine (1994) ou o Art Directors Club 76th Annual Awards (1997), e nacionais, como o Premio Nacional de Fotografía, que lle outorgou o Ministerio de Cultura en 1995, ou o Premio Bartolomé Ros de PHotoEspaña 2007 á mellor traxectoria española en fotografía.
exposiciÓn: ACASO
|