Recodificación transxénica de: O Guernica de Picasso
Bea ROMARTY
O Barco de Valdeorras, Ourense, 1977
Artista multidisciplinar e poeta. Actualmente é estudante na Facultade de Belas Artes, en Pontevedra, mais xa comezou a participar en diversos eventos dentro da arte de acción e o performance: en 2005, no grupo de arte de acción galego Príncipe 54, participando no Festival de Arte de Acção e Multimédia IMAN no Porto, e no Museo de Arte Contemporánea de Vigo (MARCO). Continúa de modo individual na galería leonesa Dosmilvacas.arte, e actualmente segue a realizar e recompilar proxectos de arte de acción, polo que é convidada en Mondariz, Ourense... Presentou a súa obra pictórica en exposicións colectivas, como Valdearte ou Art Xove, e máis recentemente, na sala de exposicións do Centro Comarcal Valdeorras, realizou a exposición individual «Bea Romarty, Esbozos, Procesos e Proxectos 2007-2008», que terá tamén a súa segunda fase en abril de 2009. Dentro do Outono Fotográfico, presentou «Traxectos», na Galería Volter de Ourense, e participou na exposición colectiva «25 Outonos», na Casa da Xuventude de Ourense e na Galería Sargadelos de Santiago de Compostela.
exposiciÓn: TRANSPOSITION
|