Sen título
Héctor GUZMÁN
Morelia Michoacán, México, 1968
Fotógrafo da revista Heavy Metal (México) de 1989 a 1991. Profesor de fotografía analóxica e dixital en distintos lugares da cidade de México, tales como o Centro de Capacitación Fotográfica, a Academia de Artes Plásticas ARTEUM, a galería Exén ou o Taller Libre de Fotografía Retina, entre 1996 e 2004. Posteriormente, na Asociación Fotográfica O Potiños do Carballiño. Foi laboratorista para distintos fotógrafos, principalmente na impresión e o revelado fino de branco e negro, entre 2000 e 2004. Colaborador en traballo de investigación artística e de rexistro de obra, documentación e análises para Ricardo Pérez Escamilla e o MUNAL (Museo Nacional de Arte, México DF), de 2001 a 2004. Foi fundador en 2000 na cidade de México do Taller Libre de Fotografía Retina. Tomou parte en múltiples exposicións colectivas e individuais de obra fotográfica en México e España. Actualmente é membro da Asociación Fotográfica O Potiños e fotógrafo independente no Carballiño, onde reside. Apaixonado da fotografía, estudoso da técnica de laboratorio, investigou e experimentou con múltiples fórmulas e materiais fotosensibles. Considérase máis laboratorista que fotógrafo, e crea imaxes incluso con caixas de galletas ou de zapatos, papeis feitos a man e, seguindo vellas fórmulas, impresionando positivos coa luz do sol. Entre as súas exposicións figura «Panorámicas galegas», coa que participou no Outono Fotográfico de 2007.
ExposiciÓn: NATURALES
|
