Este II Certame de Imaxe Artística, na súa modalidade de fotografía –o certame engloba con ela a de Banda Deseñada–, está convocando pola Dirección Xeral de Xuventude conxuntamente coa Dirección Xeral de Promoción Cultural, e mantén o éxito da primeira edición, celebrada hai un ano. Pretenden as dúas direccións xerais, dentro da campaña «Xuventude 2001», dar a oportunidade á mocidade galega de amosar as súas creacións no campo fotográfico, destacando aquelas que pola súa calidade así o merezan. Recóllense nas seguintes páxinas os premios concedidos nas dúas categorías —atendendo ás idades dos participantes—. En cada unha delas o/a navegante pode atopar os premios primeiro, segundo e terceiro e mailo concedido á mellor colección.

Ana María Torres Fernández A mirada. 1º Premio (B)	Rosa María Fernández Camaño ¿Techno ou non?. 2º Premio (B)	Paula Celtia Díaz Martínez Xamón. 3º Premio (B)
Pontevedra, 1979 Alumna de Belas Artes, en Pontevedra, cunha bolsa Erasmus no primeiro semestre deste ano, en L’École de Beaux Arts de Bordeaux, leva o primeiro premio do certame na categoría B, a dos máis novos. Exposición: II CERTAME GALEGO DE IMAXE ARTÍSTICA – XUVENTUDE 2001	Cangas, 1979 Descobre a fotografía ó estudiar deseño gráfico, hai catro anos. Accésit no XV Certame Galego de Fotografía – Xuventude 99. E 1º premio, categoría B, en Xuventude 2000, tralo que dixo: «Nestes últimos doce meses mantiven a miña cámara gardada á procura de novas anécdotas que fotografar sobre a miña vida; desta vez volvo de autodidacta total plasmando no meu traballo unha linguaxe moi persoal do que sinto». Nesta ocasión volve levar un premio, o segundo na mesma categoría. Exposición: II CERTAME GALEGO DE IMAXE ARTÍSTICA – XUVENTUDE 2001	A Coruña, 1982 Trala súa primeira experiencia como fotógrafa no Certame do ano pasado no que acadara xa un dos premios, este ano repite cun 3º, na mesma categoría B, a dos máis novos. Exposición: II CERTAME GALEGO DE IMAXE ARTÍSTICA – XUVENTUDE 2001