Valencia, 1971
Técnico en fotografía pola Escola de Artes e Oficios de Valencia, colabora con numerosos medios, entre os que subliñámo-lo Diario de Levante. Neste último verán saíu do prelo o seu libro Circo, da editorial Focal.
Exposición: MAREA |
El Pont de lArmentera, Tarragona, 1919 Santes Creus, Tarragona, 1965
De formación autodidacta, traballou en distintos estudios da capital catalana, ata chegar a abrir estudio propio na rúa Caspe de Barcelona. Logo daría o paso ó fotoxornalismo, traballando en Vida Deportiva e Destino; esta editorial encomendoulle as imaxes que deberían acompañar distintas guías das rexións españolas: ilustrou a do País Valenciano, a de Cataluña e a de Galicia. Morreu novo.
Exposición: RAMÓN DIMAS. AS FOTOGRAFÍAS DE GALICIA |
Almuñécar, Granada, 1952.
Licenciado en Matemáticas e Ciencias da Educación. Profesor nun Instituto de Málaga. Iníciase na fotografía de forma autodidacta en 1984, pero a súa paixón por esta arte se aviva coa entrada no Grupo Fotográfico «Aula 7», de Málaga, no ano 2000. Varios premios en certames, os dous últimos: 2º premio no Certame «Jardín Amigo» patrocinado polo Ayuntamiento de Málaga; e o 1º premio no Certame «Unicornio 2001». (Ayuntamiento de Montilla, Córdoba), os dous neste mesmo ano 2001.
Exposición: FOTOTRABALLO 2001 |
Bos Aires (Arxentina), 1952
Afincado en Madrid, tras residir en Londres, Amsterdam, Zúrich e Ibiza, este profesional da fotografía está especializado en fotografía editorial e reportaxes de viaxes; colaborou para diversas revistas desta especialidade e de moda, ademais doutras de información xeral. Nos dous últimos anos realizou diversas reportaxes nos que hai unha fonda aproximación ó home e ó seu contorno en Brasil, Filipinas, India e Marrocos. Dende 1997 traballa nun gran proxecto sobre os 130.000 tibetanos exiliados no mundo trala invasión do Tíbet polos chineses en 1949. Premio «Luis Valtueña» 2001.
Exposición: IV PREMIO INTERNACIONAL DE FOTOGRAFÍA HUMANITARIA LUIS VALTUEÑA |
|
|
Málaga, 1955.
Delineante de profesión, traballa na Xerencia Municipal de Urbanismo de Málaga. Afeccionado á fotografía, dedícalle gran parte do seu tempo libre. Colabora no Diario de Malaga. Participou nas exposicións: «Mollina, Puntos de Mira», «Homenaje al Pintor Pedro Mendoza», «Presencias» (I e II) da Asociacion de Artistas Plásticos de Malaga, I Certamen Provincial de Artes Plasticas de Malaga. Levou o 1º premio no Concurso fotográfico CEMI-91, Ayuntamiento de Málaga, e o 4º premio no II Concurso Nacional de fotografía Passport Scotch. Ten varias publicacións para os Ayuntamientos de Humilladero, Mollina e Málaga.
Exposición: UNA MIRADA A MARRUECOS |
A Rúa, Ourense, 1976
Comeza a súa relación coa fotografía ós 14 anos no Instituto. A primeira exposición ó público foi no Outono Fotográfico de 1995. Traballa o tema dos segadores tanto nesta mostra, como no documental cinematográfico, no que fai a fotofixa, e no libro que está preparando o historiador Antonio Castro, no que se ocupa da parte fotográfica. Hoxe fai fotoxornalismo tras estudiar fotografía na Escola de Arte «Antonio Faílde»
Exposición: SEGADORES VALDEORRESES EN CASTELA |
Barcelona, 1973
Diplomada en Fotografía Xeral e de Reportaje na escola IDEP de Barcelona. Amplia a súa formación na Escola Groc co Ciclo Formativo de Grao Superior na especialidade de Fotografía Artística. Realizou diversas exposicións, entre elas, «Ausencia» (La Santa Proyectos Culturales Primavera Fotográfica, Barcelona, 2000) e «Cajón de Pista» (Galería Rina Bouen PhotoEspaña, Madrid, 2001). Colabora co periódico Avui e o seu dominical.
Exposición: CAJÓN DE PISTA |
Vigo, 1967
Estudia fotografía na Escola de Arte «Mestre Mateo» de Santiago de Compostela e no CEV. Dende 1990 traballa como redactor gráfico nos xornais Xornal Diario, Diario de Pontevedra, Diario 16 de Galicia e La Voz de Galicia; na actualidade é correspondente da Axencia EFE e de El Mundo. Bolseiro pola Universidade Complutense de Madrid para participar nos cursos maxistrais de fotografía que teñen lugar en El Escorial, os impartiron fotógrafos e editores gráficos como Cristina García Rodero, Alex Webb, James Nachtwey ou Christian Caujolle. Colaborou, xunto con outros fotógrafos galegos, na edición do libro Homes e máquinas, dedicado ó R. C. Celta de Vigo, e ten participado en varias edicións de «Galicia en Foco» e na colectiva «Dez días en Pekin».
Exposición: UN POBO SEN PAÍS |
Chapela, Pontevedra, 1968
Realizou o curso de fotoxornalismo da Academia P. C. Carrier, de Vigo. Colaborador con medios de prensa, primeiro con Atlántico Diario e La Región e a partir de 1998 con Faro de Vigo, na actualidade traballa como free-lance. Ten no seu haber varias exposicións. Son importantes as súas reportaxes realizadas en Mauritania, Centro América, Albania e Timor Leste, colaborando estreitamente con Médicos do Mundo nas súas campañas de denuncia e sensibilización.
Exposición: IV PREMIO INTERNACIONAL DE FOTOGRAFÍA HUMANITARIA LUIS VALTUEÑA |
Agolada, 1956
Comezou coa pintura para, a partir de 1988, dedicarse á fotografía como afeccionado. O seu eixo central é a fotografía de natureza e moi especialmente a macrofotografía; é tamén unha das súas preocupacións a degradación medio ambiental. A partir de 1992 fai incursións no fotoxornalismo, publicando en numerosos medios españois e estranxeiros. Ten un cento de premios e leva participado en máis de duascentas mostras colectivas. Colabora en varios libros e enciclopedias con outros autores, tendo publicados en solitario Natureza sen fronteiras, Espacios Naturais de Galiza e Portugal, 1999; e Os muiños, Ir Indo, 2000
Exposición: XI CERTAME FOTOGRÁFICO MEDIO AMBIENTE 2001 |
Ourense, 1965
Dende 1990 é fotografa colaboradora en varios medios de prensa escrita, entre eles Faro de Vigo, edición de Ourense; O Correo Galego, El Mundo de Galicia e Axencia EFE. Participou en exposicións colectivas como «Galicia en foco», «Oitolladas», «Ourense en pé de foto», «Golpes», «Xa é hora, fin de milenio». Tamén en exposicións individuais: «Caderno de viaxe a Cuba», «A marcha da cor da terra» (marcha zapatista en México, 2001).
Exposicións: UN POBO SEN PAÍS e IMAXES DUN FOLIÓN |
Foz, Lugo, 1969
É diplomado pola Escola Universitaria de Formación do Profesorado de EXB de Lugo. De formación autodidacta, participa en distintas exposicións colectivas e individuais «Na Semana Santa», Outono Fotográfico de 1995. Inicia a súa actividade no fotoxornalismo en 1993 desenvolvendo o seu traballo primeiro na Mariña lucense e posteriormente en Vigo. Cubriu a guerra de Kosovo dende a súa fronteira con Albania para La Voz de Galicia e Diario 16. Gañou o II Premio de Creación Fotográfica Luís Ksado, no que xa fora finalista na primeira edición. Tamén neste ano acada un accésit no Certamen de Fotografía do Injuve, o 1º Premio no XV Certame Galego de Fotografía Xuventude 99. Ademais leva, entre outros, o premio «Aurelio Carracedo», concedido pola Deputación de Ourense, e o Ortega y Gasset do diario El País. Na actualidade traballa de free-lance o último traballo publicoullo El País Semanal o pasado 14 de outubro.
Exposición: IV PREMIO INTERNACIONAL DE FOTOGRAFÍA HUMANITARIA LUIS VALTUEÑA |