Córdoba, 1972
Licenciada en Belas Artes pola Facultade de Sevilla. Realizou o curso MasterClass de Kodak con Cristina García Rodero. Ten numerosos premios en concursos fotográficos. Realizou labores de producción e foto-fixa en senllas curtametraxes de Osdruba Vídeo; colaborou na creación de «Pangea-Galería de Arte Virtual» en internet. É colaboradora da revista de fotografía Luna Cornata, así como monitora de diferentes talleres de fotografía en zonas marxinais da capital cordobesa, o que compaxina coa investigación de novas técnicas creativas no eido da fotografía e a obra gráfica.
Exposición: CERTAMEN DE FOTOGRAFÍA – INJUVE 2000 |
Ribadesella, Asturias, 1974.
Licenciada en Belas Artes pola Universidade de Salamanca, na especialidade de Deseño Gráfico e Audiovisual. Ten participado en varias mostras colectivas. No ano pasado levou un accésit no Certame de Fotografía do Injuve.
Exposición: CERTAMEN DE FOTOGRAFÍA – INJUVE 2000 |
Madrid, 1958
Vive a fotografía tanto como a fai: isto é, sen dúbida, o que lle outorga, segundo os entendidos como Bernard Plossu ou Rafael Doctor, un ollo tan selectivo e acertado, de xeito que se fai difícil rexeitar unha soa fotografía súa. Artista directo, de emocións e sensacións puras, reflicte nas súas diferentes series, que arrincan de mediados dos oitenta, como «Animalada», «Madrid anónimo», «Tarde de Toros» e outras baseadas nas súas viaxes, as diferentes caras da vida tal e como se cruzan ante a súa mirada atenta. (Texto-presentación do nº 16 da colección PhotoBolsillo, «Biblioteca de Fotógrafos Madrileños»).
Exposición: MUNDOS DIVERSOS |
A Coruña, 1969
Membro do colectivo «Ollo de vidro» da Coruña. Realizu os cursos Sistema de zonas, con Vázquez Caruncho (1996); Primeiros planos, impartido por J. Criss (1997); A fotografía creativa, con Chris Steele-Perkins (1998); e A fotografía creativa, con Stuart Franklin (1999). Participa nos Outonos Fotográficos deses catro anos nas mostras colectivas Xestos, aspaventos, O mar, Manda traballo e Mercado de San Agustín respectivamente, todas elas do colectivo «Ollo de vidro». Participa do diaporama multimedia homenaxe a Uxío Novoneira (Santiago, 1999). Monitor dos cursos de fotografía da A. C. Alexandre Bóveda e da Casa da Xuventude de Oleiros. En 1997 realizou a exposición individual As xentes de Cee, no Café Rodín-Cee. Membro do xurado no 1º premio de Fotografía de Medio Ambiente do BNG 2001.
Exposición: OUTROS CAMIÑOS |
Madrid, 1959
«Pouco a pouco a súa obra impuxo o seu selo persoal e diferente. É un traballo obviamente fotográfico pero trata tamén da pintura, reúne dúas facetas aparentemente antagónicas e fainas dialogar ata convertelas nos materiais esenciais de todo o seu traballo. Os temas que predominan configuran dous apartados claramente diferenciados. Por un lado a figura humana e por outro e máis recentemente aparece un tema novo e dun misterio inesperado: a comida, os pasteis, tortas de aniversario, paquetes con lazos...» (do texto de Rosa Olivares no nº 22 da colección PhotoBolsillo, «Biblioteca de Fotógrafos Madrileños»)
Exposición: MUNDOS DIVERSOS |
1954
Licenciado en Matemáticas, exerce como profesor de instituto. Dende 1973 dedícase á fotografía. De formación autodidacta, comeza a expoñer en Santiago en salas e facultades; en 1976 organiza e expón na primeira exposición de fotografía de autor na Praza da Princesa de Vigo. Expón en Madrid, Valencia Barcelona e Galicia de forma regular ata hoxe, en exposicións individuais e colectivas. O Museo de Pontevedra posúe una colección de 40 fotos súas. Publica con Xosé Luís Méndez Ferrín o libro Vigo fronteira do Alén e posteriormente en Edicións Xerais Tigres coma Cabalos. Gaña o primeiro Certame de Fotografía galego convocado pola Consellería de Cultura coa serie «O home e a cidade». Publica fotografías en revistas culturais e literarias. Ademais traballa para distintas editoriais en libros de arte e catálogos, destacando na actualidade a colección «artistas galegos» de Nova Galicia Edicións. Expón con coleccións individuais nos Outonos Fotográficos dos anos 1987 e 1990 ademais da colectiva «Nu» no ano 1990.
Exposición: FÉNIX |
|
Artá, Mallorca, 1974
Licenciado en Belas Artes, pintura, pola Universidade de Barcelona. É da nova xeración de creadores plásticos que incorporan a fotografía como soporte para as súas obras. No pasado ano, á parte deste 3º premio no Certame de Fotografía, levou o premio do I Certame de Ilustración, tamén convocado polo Injuve.
Exposición: CERTAMEN DE FOTOGRAFÍA – INJUVE 2000 |
Lugo, 1943
Afeccionado á fotografía dende hai máis de 20 anos, nos que acadou diversos premios e mencións en concursos locais e nacionais. Ten obra publicada en prensa e catálogos, entre os que destacan Primeira Bienal Lucense de Fotografía, II Mostra Fotografica, Da Agrupación Fotografica ó Grupo Fonmiñá. A súa obra foi exposta en diversas mostras individuais e proxectos colectivos como «4 Fotografos Galegos» (Sala Cajamurcia, Murcia, 1991), «Os Oficios Tradicionais en Galicia» (Sala do Centro de Artesanía e Deseño, Lugo, 1997) e «A Arquitectura Popular e Tradicional en Galicia» (Sala Edificio Administrativo, Lugo, 1998).
Exposición: AS NOVAS TEMPORADAS |
Vigo, 1971
Cursa Imaxe e Son en Ourense e na Coruña. Ademais de traballar en varias canles de TV, da clases de fotografía na escola de Imaxe e Son de Vigo. No eido da creación dedícase tanto ó vídeo como á fotografía, realizando series e exposicións coas que percorreu varias cidades de Castela-León e Madrid
Exposición: FOTOGRAFÍAS DEL EXTERIOR |
Valladolid, 1971
Diploma Nacional Superior (H.N.D.) en Fotografía Artística polo Instituto de arte de Bournemouth, Inglaterra. Gañou o certame de fotografía da Junta de Castela e León en 1999, formando parte da súa exposición itinerante. Realizou un taller sobre retrato con Humberto Rivas, en 2000.
Exposición: CERTAMEN DE FOTOGRAFÍA – INJUVE 2000 |
Miñano Mayor, Álava, 1950
Autodidacta. Master Fotografía aplicada ó nu con Rafael Navarro. Sistema de Zonas con Manuel Laguillo. Procesos antigos con Jordi Guillumet. Transfer Polaroid con Albert Porres. Sistema Cibachrome con Diego Ondarra. Participou en numerosas exposicións colectivas e ten realizado catro individuais: 1989, Sala San Prudencio, Vitoria-Gasteiz; 1990, Sala Fotográfica de Guipúscoa, San Sebastián; e neste 2001, Galería de Arte Aguado, Logroño, e Museo do Viño, Laguardia. Numerosas distincións, entre as que destacamos: Premio Nacional San Prudencio 1992, 1993, 1994 e 1999 e o Premio Nacional Biblioteca Municipal de Salamanca 2000.
Exposición: V CERTAME VIÑA DOCAMPO |
