|
Valencia, 1967
Licenciada en Belas Artes pola Universidade Politécnica de Valencia, realizou o programa de doutoramento «Cara a Arte: Perfís da escultura» na Facultade de Belas Artes de Pontevedra. Realizou diferentes cursos e talleres artísticos como os de Ian Wallace, Richard Deacon e Jünter Partenheimer, tamén participou en exposicións individuais e colectivas co grupo Prefijo 96 (Elogias Blanco e Alicia Rodríguez) e foi seleccionada en diferentes mostras de arte destacando as exposicións individuais gañadas mediante concurso, como «El árbol caído» Centro Cultural de Mislata, Valencia e na Mostra de Joves Creadors de l’Horta, Quart de Poblet, Valencia. Na actualidade é profesora na Escola de Arte «Antonio Failde» de Ourense.
Exposición: VEGETANDO |
Monforte, 1974
Licenciado en Belas Artes na Universidade de Barcelona, ten realizado numerosos seminarios e obradoiros sobre a imaxe. Recibiu o 1º Premio do Certame de Fotografía da Dirección Xeral da Xuventude en 1995 e participou en Valdearte-97; entre as súas primeiras actividades que seguiran acadando distincións citamos as tres últimas: neste 2001, «Vent», Altafulla d’art, Tarragona; seleccionado para a Beca Novos Valores, Pontevedra; e 1º Premio no Certame «Jovenes Creadores», sección fotografía, Madrid.
Exposicións: MIRAR O SOL e CERTAMEN DE FOTOGRAFÍA – INJUVE 2000 |
Ferrol, 1958
Autodidacta, compaxina a súa afección á montaña coa fotografía. Este é o primeiro concurso ó que se presenta e por tanto a primeira distinción que recibe.
Exposición: 30 ANIVERSARIO DO CLUB ALPINO MANZANEDA |
Santander, 1958
Fotógrafo autodidacta, no ano 1997 crea o arquivo fotográfico Julnay, adicado á fotografía de natureza. Colaborou coas súas imaxes nos libros Santander, nueva visión, Bellezas de España: Cantabria e Monte Hijedo: Reserva de la Biosfera. Realizou varias exposicións tanto en Cantabria como fóra dela. É membro fundador da Asociación Española de Fotógrafos da Natureza.
Exposición: FASCINANTE NATUREZA |
Barcelona, 1944
Pasou a súa mocidade en León, vivindo dende 1968 na Linea, Cadiz. Comezou na fotografía en 1976, na Agrupación Fotográfica Artística Linense, da que foi durante 17 anos o seu Presidente. Está en posesión de 200 premios nacionais e 11 internacionais. Ten os títulos AFIAP e EFIAP, da Federación Internacinal de Fotografía. Foi xurado en numerosos salóns de fotografía.
Exposición: XI CERTAME FOTOGRÁFICO MEDIO AMBIENTE 2001 |
Minas de Riotinto, Huelva, 1973
Técnico superior de Fotografía Artística pola Escola de Artes de Huesca. Participou en varias mostras individuais neste ano e no pasado. Tivo cinco exposicións individuais; delas, dúas neste 2001: en xaneiro, no centro de Arte Moderno «Daniel Vázquez Díaz», en Nerva, Huelva; en maio, na «AlaPlage art contemporain», en Toulouse, Francia.
Exposición: CERTAMEN DE FOTOGRAFÍA – INJUVE 2000 |
Ourense, 1966
Autodidacta. Fai fotografía cando o seu traballo de enfermeira llo permite; como precedente deste primeiro premio no Certame de Viña Docampo, levou un premio no concurso que o Concello de Ourense convocou sobre consumo en 1999.
Exposición: V CERTAME VIÑA DOCAMPO |
Ourense, 1968
Fotógrafo afeccionado con participación en concursos de fotografía deportiva. Colabora na revista de espeleoloxía Furada, da federación galega deste deporte.
Exposición: 30 ANIVERSARIO DO CLUB ALPINO MANZANEDA |
Vilariño Frío, Ourense, 1955
Funcionaria da Consellería de Educación da C. A. de Madrid, é Técnica Especialista en Imaxe e Son. Participa en numerosas mostras, a maioría delas colectivas; a última, realizada en Avilés, no pasado mes de marzo, sobre o Día da Muller Traballadora. Conta tamén con premios, distincións e publicacións, a última na revista Foto, nº 222, do pasado mes de xuño.
Exposición: XI CERTAME FOTOGRÁFICO MEDIO AMBIENTE 2001 |
Ourense, 1945
Médico, profesión na que ten un recoñecido prestixio, e fotógrafo afeccionado. Realizou exposicións individuais en varias cidades de España —entre as que destaca «A deusa Atlántica», dedicada á Torre de Hércules, un dos seus amores—, así como unha colectiva en Lisboa. Acadou 40 premios en concursos e certames fotográficos. Autor do libro de fotografías e poemas Costa da Morte. Paisaxe viva. Fotógrafo realista, namorado da natureza, especialmente en dous momentos claves de cada día: o amencer e o solpor, os que fotografa.
Exposicións: GALICIA, CATRO ESPOSICIÓNS, MIL CORES e V CERTAME VIÑA DOCAMPO |
