“París, xuño 2000” Luis Balbuena Moya, Las Palmas, 1945 Coordinador dos oito concursos de Fotografía e Matemáticas que se celebran en Canarias no nivel educativo do ensino secundario. Gañador do primeiro premio do concurso de Fotografía e Matemáticas convocado pola Sociedade Madrileña «Emma Castelnuovo», na súa edición de 1994. Algunhas das súas fotografías foron utilizadas para ilustrar publicacións de educación matemática ou para as súas portadas. Utiliza a fotografía como un elemento didáctico no seu Taller para Re-crear Matemáticas. Exposición: FOTOGRAFÍA MATEMÁTICA
	“Reciclables” José Francisco Bonilla Rodríguez Ourense, 1966 Graduado en Fotografía, especialidade de Fotografía Artística, na Escola de Arte Mestre Mateo (Santiago de Compostela), con diversos cursos complementarios. O proxecto fin de carreira realizouno sobre a natureza e o medio ambiente de Galicia: «Nuestro Mundo». É biólogo, especializado en avaliación e corrección de impactos ambientais. Levou o 1º premio no III Concurso Viña do Campo en 1999. Está comezando a súa profesionalización no mundo da fotografía. Exposición: RECICLABLES
		da serie “Vermello” Raúl Castro Fernández Montevideo (Uruguai), 1956 Iníciase na fotografía de xeito autodidacta, no ano 1979. Dez anos máis tarde pasa a formar parte do colectivo «Ollo de vidro», da Agrupación Cultural Alexandre Bóveda da Coruña, co que realiza actividades, participa na creación dos seus safaris fotográficos e forma parte das mostras colectivas do grupo nos Outonos Fotográficos de 1994, 1995, 1996 e 1998. Exposición: O CERNE NA DEBOURA