CLAUDIA JAGUARIBE

Vi de Os

Centro Ágora | A Coruña
do 2 ao 30 de novembro de 2012
Curador: Vítor Nieves

Vi de Os é unha das mostras que o Festival Outono Fotográfico programou na Coruña, na Biblioteca do Centro Ágora en novembro de 2012.

Cartaz da exposición

Un dos obxectivos do Outono Fotográfico sempre foi espallar o territorio xeográfico no que colocar as súas exposicións. Nesa 30ª edición, o festival consolidábase como internacional co fin de promocionar artistas galegos no estranxeiro, e expoñer o traballo de artistas de fóra dentro das nosas fronteiras. O OF saltou o atlántico para comezar intercambios con galerías e colectivos de Brasil. Esta exposición de videocreacións de Claudia Jaguaribe é froito da colaboración establecida coa  Galería Baró de São Paulo, e avalada por un dos seus coordenadores, Adriano Casanova.

A produción de Claudia Jaguaribe está baseada na fotografia dixital e no vídeo. Con unha forte investigación estética sobre a descontracción da imaxe e a captura do contemporáneo, Jaguaribe subverte a cor e a forma ao apropiarse de referencias da Historia da Arte, que resultan unha combinación dun ollar persoal co ollar virtual.

A mostra consta de 5 vídeos elaborados en diferentes fases do traballo da artista (descargar a folla de sala para máis información).

+info da autora: claudiajaguaribe.com.br

Esta web utiliza cookies. Podes ver a política de cookies. Se continúas navegando estás a aceptala!    VER