O Outono Fotográfico chega ao ecuador renovando as exposicións das salas galegas

O festival internacional de fotografía chega xa ao seu ecuador con 69 exposicións abertas a día de hoxe e outras 34 que se inaugurarán até finais de decembro.

Inauguración da exposición de Rocío Verdejo

Inauguración da exposición de Rocío Verdejo na Galería Marisa Marimón

Entre as exposicións que quedan por abrir, cabe destacar a itinerancia de “Posesións para un esquecemento” de Daniel Díaz Trigo, I Premio Galicia de Fotografía Contemporánea, que logo de pechar no Museo Municipal de Ourense irá ás salas de AFundación na Coruña, Ferrol e Vigo. Tamén en Vigo, Isra Cubillo mostrará “ El noroeste y otras cosas”.

Esta mesma fin de semana terá lugar na Estrada a inauguración de “Urlaub” de Irene Cruz, un traballo que deu a volta por festivais de medio mundo. A autora impartirá unha masterclas para os que se acheguen á galería Dispara o sábado.

Na cidade que supón o centro neurálxico para o Outono Fotográfico abrirán ao público 7 exposicións máis, como as que veñen de man do festival Encontros da Imagem, que mostran os traballos de Tito Mouraz e Sanne de Wilde.

Tamén en Ourense na galería Photo Art esxponse un proxecto de Ana Luísa Pinto nacido para internet onde acadou picos de audiencia que puxeron o foco para converterse en exposición: The alphabet tales.

En Portugal quedan tamén inauguracións como a de João Augusto Madureira “Impressoes de identidade” en Chaves ou “Geometría de ecos” de Carla Andrade que se poderá ver no Instituto Portugués de Fotografía do Porto a partires do 12 de decembro.

Deixa unha resposta

O teu enderezo electrónico non se publicará Os campos obrigatorios están marcados con *

Información básica sobre protección de datos Ver más

  • Responsable Vítor Nieves .
  • Finalidad Moderar los comentarios. Responder las consultas.
  • Legitimación Tu consentimiento.
  • Destinatarios Dinahosting S.L..
  • Derechos Acceder, rectificar y suprimir los datos.

Esta web utiliza cookies. Podes ver a política de cookies. Se continúas navegando estás a aceptala!    VER