O OF abre o prazo de inscrición para os traballos que se exporán en outono de 2013
O 1 de marzo abriu o novo prazo de recepción de traballos para a 31 edición do Outono Fotográfico.
A incripción farase, coma o ano anterior a través da súa web www.outonofotografico.com e o prazo dará remate o 1 de xullo de 2013.
O Outono Fotográfico é o Festival Galego de Fotografía, o decano da península ibérica, que chega neste 2013 á súa 31ª edición.
O OF organiza exposicións e prográmaas en espazos expositivos como galerías de arte, salas de exposicións institucionais, centros de ensino, Casas de Concellos, da Xuventude e de Cultura, lugares públicos, cafeterías…
A ampliación da súa implantación territorial é un dos obxectivos. Actualmente programanse mostras en toda Galicia, Catalunya, Portugal e Brasil.
Componse de tres seccións: A Sección Oficial na que o Festival convida a autoras/es e curadoras/es, o Outono Aberto onde se seleccionan traballos de amadoras/es e Historias da fotografía galega para a recuperación do traballo de fotógrafas/os de Galicia xa falecidos.
