«Kosmos» de Marta Bisbal exponse na nova sala do Outono Fotográfico

O Espazo de Arte de Roberto Verino no centro de Ourense súmase ao plantel do festival de fotografía para acoller a exposición da catalá.

cww5xwuwqaaso_0

Marta Bisbal no seu «Kosmos»

O Outono Fotográfico suma este ano unha nova sala de exposicións en Ourense. O Espazo de Arte Roberto Verino, situado na transitada rúa do Paseo é o lugar escollido polo festival para expor unha «sublime proposta que se enmarca de cheo na temática do festival deste ano, o Dentro-Fóra» di Vítor Nieves, curador da Sección Oficial, que asegura que «é unha mostra que xoga co que se cadra é a postura máis deontolóxica da fotografía: a luz e a interacción desta no espazo».

Na sala poderán verse diferentes pezas en variados formatos. Algunhas delas serán imaxes seriadas que documentan o percurso da luz. Acompañan a estas fotografías unha peza de vídeo na que dun xeito contemplativo se vai debullando a ocupación da luz nos espazos e a contemplatividade de Bisbal na construción do ensaio, que pon de manifesto un outro xeito de facer arte que contrasta coa rapidez consumista que impera no mundo da fotografía contemporánea.

«Kosmos» é a documentación do transcurso da luz, mais tamén do silencio e a inmobilidade. A artista, logo dunha minuciosa observación da súa contorna máis próxima, decatouse do que acontecía nas paredes: un espectáculo de luces e sombras «en danza co movemento cósmico, a luz escinifica o seu devir integrado diariamente con perfecta exactitude, estamos por tanto a falar da elocuente manifestación do Kosmos grego» di Marta Bisbal que explica como hai unha orde esencial que o permea todo.

Malia ser o primeiro ensaio da autora, xa ten percorrido varios espazos expositivos como a Kursala de Cádiz, o Museu Abelló, o Pati Llimona de Barcelona ou The Showroom de Madrid. Alén diso, «Kosmos» foi seleccionado en diversos festivais do mundo, como os Encontros da Imagem de Portugal, o International Photo Awards de Moscú, o Athens Photo Festival, o Concurso Ibero Americano Nexofoto, Art Photo BCN ou Descubrimientos de PhotoEspaña.

A exposición inauguraráse o mércores 2 de novembro ás 7 da tarde, e poderá visitarse en horario comercial até o 29 de novembro.

14910411_1159805624104146_1639956644402160593_n

Inauguración de «Kosmos» co curador Vítor Nieves, o director do OF Xosé Lois Vázquez, Roberto Verino e Marta Bisbal

Deixa unha resposta

O teu enderezo electrónico non se publicará Os campos obrigatorios están marcados con *

Información básica sobre protección de datos Ver más

  • Responsable Vítor Nieves .
  • Finalidad Moderar los comentarios. Responder las consultas.
  • Legitimación Tu consentimiento.
  • Destinatarios Dinahosting S.L..
  • Derechos Acceder, rectificar y suprimir los datos.

Esta web utiliza cookies. Podes ver a política de cookies. Se continúas navegando estás a aceptala!    VER