Joan ALVADO CÁRCEL

Reside en Barcelona desde 2005. Graduouse como enxeñeiro informático na Universidade Politécnica de Valencia. Os seus inicios na fotografía foron como autodidacta, ata que en 2006 estudou un primeiro curso de fotografía xeral na School of Visual Culture de Helsinki. Meses máis tarde, asistiu a un curso na Asociación de Fotoxornalistas Ruido, en Barcelona. Durante este curso realizou a súa primeira reportaxe, «Bo Pastor, a existencia silenciada», finalista da bolsa Sonimag 2007, e como tal foi exposta na Fira de Barcelona. Logo continuou estudos no Institut d’Estudis Fotogràfics de Catalunya (IEFC), onde cursou ensaio fotográfico. En 2009, o seu proxecto «Kurdas» foi seleccionado como finalista do concurso de Fotorreportaxe CLIC, e exposto no Festival Visa OFF de Perpiñán. Actualmente, completa a súa formación fotográfica con cursos de edición gráfica e proceso dixital, ao tempo que colabora en diversos xornais e publicacións sociais de Barcelona.