Núria LÓPEZ TORRES

Estudou fotografía no IEFC. Realizou varios talleres e cursos de especialización, impartidos por prestixiosos fotógrafos como Tino Soriano, Humberto Rivas ou Paco Elvira. Desenvolveu os seus traballos en diferentes disciplinas, como o retrato, a reportaxe ou a fotografía creativa. Nos últimos anos centrouse en temas relacionados co mundo da muller e a identidade de xénero, combinándoos coa fotografía de viaxes, como punto de equilibrio. Durante os anos 2006 e 2007, colaborou con varios organismos públicos, en diferentes proxectos de xénero.