José MEIS MEAÑO

Actualmente residente en Abegondo (A Coruña). Aínda que desde neno sempre tivo curiosidade por ela, iniciouse no mundo da fotografía coa chegada do formato dixital. Apaixonado pola imaxe e a natureza, compaxina a fotografía coa súa profesión de consultor informático. Gañou varios galardóns, como o 1.º premio do Concurso Autopistas do Atlántico, de Audasa; o 1.º premio de Obxectivo da Memoria, da Asociación Amigos dos Museos de Galicia; ou o 2.º premio no Certame Fotográfico de Medio Ambiente do Ateneo Ferrolán. Proximamente inaugurará a súa primeira exposición na Coruña. Tamén mantén un fotoblog, www.fotobruxo.com, no que dá a coñecer a súa obra.