Sen título
Eduardo OCHOA
Lugo, 1952
Ten participado en múltiples exposicións en Lugo, A Coruña, Ourense, Vigo, Madrid, Murcia, Zarautz, Viana do Castelo..., así como recibido numerosos premios. Publicou nos catálogos da Primeira e Segunda Fotobienal de Vigo, O Mar, Ollares no Tempo, Outono Fotográfico, Primeira Bienal Lucense, Univerfoto, Torre Luzea, Estructuras, Ourense en Pé de Foto, Olladas, etc. Tamén é autor das fotografías que integran os libros Lugo Blues, Meta-relatos, Catro por vinte, Vilalba e O ouro prerromano na provincia de Lugo. Así mesmo, participa con fotografías propias nas obras homenaxe Doce anos na búsqueda da nosa identidade, Cara ó Miño, Os mundos de Claudio Rodríguez Fer, Vintecinco anos de labor cultural en Ourense e Librería Alonso 1863-2000. Por outra parte, obras súas foron publicadas en Arte Fotográfico, Unión Libre, 40 por 50, Kamara, Objectif, Artesonado, Entremuros, Obradoiro, Vers Compostelle... Referencias á súa obra aparecen en publicacións como Homenagem a Eduardo Lourenço, Novelas como álbumes, Historia y Comunicación Social, Unión Libre e Luzes de Galiza. Fotos súas foron seleccionadas para portadas de libros, discos e postais, así como para numerosos carteis. En 1991 gañou unha bolsa da Delegación de Cultura para a realización do proxecto «Lugo e a provincia en cen visións». Nese mesmo ano foi seleccionado no proxecto «Catro Direccións. Fotografía Contemporánea Española. 1970-1990». E en 2000, a súa obra foi recollida na colección «Fotógrafos fin de milenio», no volume 3, Fotógrafos de España. Entre as súas principais exposicións individuais están: «Ecuacións» (A Coruña, 1988), «Deriva» (Ourense, 1999) e «Miradas» (Lugo 2002).
Exposición: DIÁSPORA
|
