Sen título
Paola de GRENET
Milán, Italia,1971
Iniciou a súa carreira fotográfica en Londres en 1999, tras terminar os seus estudos de deseño gráfico no Camberwell College of Arts (1999). Traballou como fotógrafa editorial en Londres e en España para revistas como The Sunday Times Magazine, Canary, New Scientist, Vanidad, H, Vivir en el Campo, Elle, Liña, Ojo de Pez, Rolling Stones, El Semanal, Woman e o Magazine de La Vanguardia. O seu traballo tamén foi publicado en libros como BCN 24 horas (Brabander), Barcelona 12 sensacións (Criteria) e no catálogo da exposición que tivo lugar no Museo de Historia da Cidade, Barcelona & Fotografía (Lunwerg). No ano 2003 comezou o seu proxecto persoal sobre a «Vida das transexuais en España». O proxecto foi visto no audiovisual «No se lo diga a mi madre», no Palau Robert (Barcelona), e publicado na revista Ojo de Pez. No ano 2005 foi finalista na sección «Descubrimentos» do festival PhotoEspaña, co proxecto «The waiting room». Empezou o seu proxecto sobre o albinismo e gaña o segundo premio no concurso Notodofotofest (La Fábrica, Madrid). No ano 2006 foi seleccionada para expor no festival de arte contemporánea BAC! 06 (no CCCB de Barcelona) e no festival Novas Miradas-Olladas 06, en Galicia, co proxecto «The natural order of things». En 2007 obtén unha bolsa no FotoPres’07.
Exposición: FOTOPRES’07
|
