Lume 1
Antón ATRIO
O Barco de Valdeorras, Ourense, 1970
Interesado pola luz desde novo, toma contacto profesional co mundo audiovisual no ano 1988. Desde entón desenvolve a súa profesión como iluminador en TVG. Tomando o seu currículo dos dous últimos anos, en 2006 obtivo o 1.º premio no I Certame Nacional de Fotografía sobre Discapacidade, organizado por la Fundación ANADE; levou a dirección de fotografía de Para sempre, vídeo conceptual para a exposición de Eduardo Valiña, así como a da curtametraxe Amigos invisibles, de Pedro G. Alonso; fixo a etalonaxe da curtametraxe Sin plomo, de Jorge Saavedra; fixo a exposición de fotografía e vídeo «Miradas», dentro das xornadas sobre o Síndrome de Down na Fundación Jove da Coruña; realizou o audiovisual da obra de teatro Sempre ao lonxe, de Mofa e Befa. En 2007 realizou o documental foto-videográfico Galicia, século XXI, como colaboración na exposición colectiva itinerante «Art Natura, pola defensa do medio natural galego», organizada por ADEGA, e foi o responsable da dirección de fotografía de «+?Convivencia = –?Violencia», campaña audiovisual do Seminario Galego de Educación pola Paz, programada para o Día escolar pola Paz.
Exposición: OS CATRO ELEMENTOS: AIRE, AUGA, TERRA E LUME
|
